Δοξαστικό Εσπερίων
Δόξα. Ήχος πλ. δ΄
Δεύτε πιστοί, τον θεολόγον τον δεύτερον ευφημήσωμεν, Ιερόθεον τον φερώνυμον, καθαρότητι γαρ βίου, χωρητικόν του Πνεύματος δοχείον αναδειχθείς, τας υπέρ νουν εμφάσεις εδέξατο, και υψηγόρος ιεροφάντης, της του Θεού κρυφιομύστου σοφίας εγένετο, μονάδα γαρ Θεότητος, εν τρισί προσώποις γνωριζομένην εθεολόγησε, και τα της Χριστού του Θεού οικονομίας μυστήριον διατρανώσας εδήλωσε· διο γηθοσύνως ανυμνούντες αυτόν βοήσωμεν· πρέσβευε υπέρ ημών, Πάτερ αγιώτατε.
Στιχηρό Αποστίχων
Εις τον Στίχον. Ήχος πλ. α΄ Χαίροις ασκητικών
Χαίροις, ιεραρχών καλλονή, της Εκκλησίας η κρηπίς η ακράδαντος, ο στύλος της ευσεβείας, ο των πιστών εδρασμός, των ελληνιζόντων η κατάπτωσις, λαμπτήρ ο φανώτατος, και φωστήρ ο λαμπρότατος, σκότος αγνοίας, εκδιώξας σοις δόγμασι, και διδάγμασι, τοις πανσόφοις του πνεύματος, ρείθρον το διειδέστατον, πηγή η αένναος, η καταρδεύουσα άπαν της Εκκλησίας το πρόσωπον, Χριστόν καταπέμψας, ταις ψυχαίς ημών δυσώπει, το μέγα έλεος.
